Woon en wandel deur die Woord
Jeremia 31:27-34 en Psalm 119:97-104, Genesis 32:22-31 en Psalm 121; 2 Timotheus 3:14-4:5; Lukas 18:1-8
Gebedskers:
Here, ons bid tot U vir elke hand, elke hart en elke stem wat in U diens staan.
BAIE WELKOM BY DIE EREDIENS!
SONDAG, 19 Oktober:
(Ds Petri Coetzee bedien by Huis Wittekruin)
Dankie dat u met u offer by die deure inhaak by
Gemeentebediening
• 8:40 Gebedsgeleentheid in die konsistorie – Almal is hartlik welkom!
• 9:00 Oggenddiens, KINDERDIENS en DOOPDIENS – Prediker: Ds Brits Janse van Rensburg
➔ Kleuters tot Gr 3 bly in die kerk, en het nie kategese nie.
➔ Die Gr 4’s – 11’e woon die erediens soos gewoonlik by en het daarna kategese.
• 10:00 Teedrinkgeleentheid in die Pastoriesaal – Almal is hartlik welkom!
• 18:30 Jubelaand by Moedergemeente – Almal word harlik daarheen uitgenooi!
SONDAG, 26 Oktober:
Dankie dat u met u offer by die deure inhaak by
Jan Kriel Instituut
• 8:40 Gebedsgeleentheid in die konsistorie – Almal is hartlik welkom!
• 9:00 Oggenddiens – Prediker: Ds Petri Coetzee
➔ Die Kleuterkerk-kinders sowel as die Graad 1-3 kinders woon die Kindermoment aan die begin van die erediens by en verdaag dan na hulle lokale: 4 jaar tot Gr R – Die Ou Waenhuis. Gr 1 – Anneks en Kerksentrum. Gr 2 + 3 – Kerksentrum.
➔ Die Gr 4’s – 11’e woon die erediens soos gewoonlik by en het daarna kategese.
• 10:00 Teedrinkgeleentheid in die Pastoriesaal – Almal is hartlik welkom!
BESOEKERS
Welkom by ons erediens! As dit jou eerste keer by ons gemeente is, is ons so opgewonde om jou hier te hê. Jy is deel van ‘n familie waar liefde, geloof en gemeenskap bymekaar kom. Mag vandag se diens jou hart ophef, vir jou vrede bring, en jou inspireer op jou reis met God. Ons nooi jou uit, om na die diens saam met ons ‘n koppie tee/koffie te geniet in die pastoriesaal by die Kerk Sentrum. Ons sal graag met jou wil kennis maak. Daar is ‘n boek by die ingange waar jy jou besonderhede kan inskryf, en die Kerk Kantoor sal met jou kontak maak.
BARMHARTIGHEID
Goeie tweedehandse klere teen billike pryse – Word gerus deel van ons WhatsApp-groep, Van my na jou, en kry goeie tweedehandse klere, wat ons as skenkings ontvang het, teen baie billike pryse te koop. Foto’s van die klere word elke Sondag opgesit.
➔ Stuur ‘n WhatsApp na Anne-Marie Laubscher (Barmhartigheidspan) by 082 327 1683 as jy deel wil word van die groep!
Brood en blikkie-projek: Ons is betrokke by ’n projek waar ons gemeente eenmaal per maand ±50 papiersakke met ’n halwe brood en ’n blikkie proteïenryke kos na Badisa neem om daar uitgedeel te word. Indien u ’n blikkie of twee vir dié doel wil bydra, kan dit asb in die boksies by die kerkdeure geplaas word.
Huis Wittekruin wegneem-etes: Huis Wittekruin verskaf heerlike wegneem-etes van Maandag tot Vrydag teen R50 ‘n ete. Woensdae se ete sluit nagereg in en kos dan R55. Kontak hulle gerus vir verdere inligting by 022 713 2230/9.
STILWORDDIENS (ADORAMUSDIENS)
Neem ‘n blaaskans uit die gejaag van die week en kom vind rus in die Here se teenwoordigheid.
Ons nooit u hartlik uit na ons Woensdae Stilword- Adoramusdienste om 17:45-18:15. Dit is ’n geleentheid waar jy op ’n gestruktureerde wyse in die teenwoordigheid van God kan stil word, en toelaat dat sy Woord iets in jou hart kom doen. Gebruik die geleentheid om by God te kom rus. Dit vind plaas in ons kapel (konsistorie) by die Kerk.
SENIOR LIDMATE
Silwer Vleuels Senior Klub: Hulle kuier saam op Woensdag-oggende vanaf 9:30 in Die Ou Waenhuis. Alle senior dames wat belangstel om by hulle aan te sluit, kan gerus vir Corlene van der Merwe kontak by 084 715 1169.
HERFSGENOTE-Byeenkoms: Herfsgenote-lede gaan op 30 Oktober saam uiteet by Soverby in Dwarskersbos. Ons vertrek om 10:30 vanaf die kerk se parkeerterrein en behoort om 13:00 weer terug te wees. Vir meer inligting, kontak gerus vir Suselna by 083 232 4163.
GEBED
Kan ons vir jou bid? Stuur gerus ‘n gebedsversoek na 082 256 6669 en ons sal saam met jou die saak aan ons hemelse Vader opdra in gebed. Dit kan anoniem wees of as jy sou verkies, kan jy jou naam byvoeg. Ons onderneem dat alle inligting as streng vertroulik hanteer sal word. Indien jy wil aansluit by die groep as ‘n gelowige wat saam met ons bid, kan jy ook jou naam en nommer na hierdie nommer stuur. Voeg net die woord “mede-gelowige” by. Ons benodig ook jou gebed tot ons Vader.
EKOLOGIEBEDIENING
’n Wêreld van plastiek
Kom kyk Maandag 20 Oktober om 18:30 in ons kerk na ’n dokumentêr “Plastiek people: The Hidden Crisis of Microplastics”, wat aangebied word deur ons Ekologiebediening. Na die tyd is daar Koffie en tee beskikbaar. Dit toegang is gratis. Hierdie dokumentêr is nêrens anders beskikbaar as deur geleenthede waar dit vertoon word nie.
MUSIEKBEDIENING
🎤 Kom wees deel van ons Musiekbediening 🎤
Het jy ‘n liefde vir sang of kan jy ‘n musiekinstrument bespeel? Ons musiekbediening is opsoek na nuwe stemme en talentvolle musikante wat graag saam wil dien deur musiek. Of jy ‘n ervare of net ‘n entoesiastiese deelnemer is – kontak vir André du Plessis by ☎ 083 680 0125 of 066 275 0344.
Ons benodig ook ‘n paar mansstemme vir ons Kerssangdiens hierdie jaar – Kom help ons om die boodskap van Christus se geboorte met vreugde te laat klink! As jy jou stem wil laat hoor tot eer van die Here, kontak vir André du Plessis by ☎ 083
680 0125 of 066 275 0344.
BEPLANNINGSGELEENTHEID VIR 2026
Ons nooi alle leiers in die gemeente uit na ‘n belangrike beplanningsgeleentheid, waar ons saam sal dink, droom, bid en beplan.
Datum: 1 November 2025
Tyd: 09h00 tot 13h00
Waar: Pastoriesaal
Kom deel jou idees en insette en help ons om die pad vorentoe saam te bepaal. Jou teenwoordigheid en betrokkenheid is van groot waarde! Ons sien uit daarna om mekaar te bemoedig terwyl ons die Here se leiding soek vir 2026.
GASVRYHEIDSBEDIENING
‘n Bring-en-Braai is só eg Suid-Afrikaans en ’n wonderlike manier om ’n seisoen mee af te sluit, met warmte en gemeenskap. Ons nooi die gemeente hartlik uit na ‘n Bring-en-Braai geleentheid, waar ons saam gaan kuier, lag en die Here gaan dank vir die pad wat ons saam gestap het – ‘n ware viering van Sy goedheid en die gemeenskap wat Hy onder ons gebou het. 🔥 Bring jou vleisie en jou stories, ons voorsien die kole en die geselskap! Laat ons hierdie seisoen afsluit met dankbaarheid, vreugde en ’n bord vol lekkerte. Kontak die kerkkantoor by 022-713-1724 of vir Junius Minnaar by 071-860-8029 as jy saam wil deel in hierdie spesiale geleentheid van feesviering!
🗓 Datum: 29 November 2025 om 14h00|
📍 Plek: NGK Vredenburg Kerkgronde
VERJAARSDAE EN LIEF EN LEED
Baie geluk en seënwense aan almal wat in die volgende week verjaar
19 Oktober: Hilda van Wyk, Ellanda de Wet, Loutjie van Wyk, Lorraine Auret, Elsa Marais, Ernest Swartz
20 Oktober: Frans du Toit
21 Oktober: Graham Mitchley, Beatrice Schoeman, Lucille Niemand, Emma Truter, Hentie de Beer,Leopold van Zyl (sr), Jo Wilkinson, Miemie de Witt, Piet van Deventer
22 Oktober: Jacques Gregory
23 Oktober: Sanette Pool, Bia Boonzaaier
24 Oktober: Juan le Roux, Elrika Truter, René Marais, Luan Nel, Ava Shepherd
25 Oktober: Elmien van Eeden, Juanita De la Harpe-Coetzee, Marie Tolken, Wessel van Wyk, George Engelbrecht, Denette Holloway, André Spies
* Ons vra asb voorbidding vir lidmate en hulle gesinne / families wat worstel met siekte en ander buitengewone uitdagings – Magda Koch, Tilla Kotze & Hentie de Beer
* Ons loof en prys die Here vir getuienisse van verhoorde gebede.
* Ons dink met leedwese aan diegene wat in die afgelope tyd ‘n geliefde aan die dood afgestaan het