WOON EN WANDEL DEUR DIE WOORD
Jesaja 49:1-7, Psalm 40:1-11, 1 Korintiërs 1:1-9, Johannes 1:29-42
GEBEDSKERS
Here, gee asb wysheid, krag en deernis aan elke medewerker en vrywilliger.
SONDAG, 18 JANUARIE
BAIE WELKOM BY DIE EREDIENS!
Dankie dat u met u offer by die deure inhaak by
Badisa Weskus
• 8:40 Gebedsgeleentheid in die konsistorie – Almal is hartlik welkom!
• 9:00 Oggenddiens KINDERDIENS – Prediker: Ds Petri Coetzee
• 10:00 Indeling van kategese in kerk. Ouers is welkom om in die kerk agter te bly.
• 10:00 Teedrinkgeleentheid in die Pastoriesaal – Kom kuier gesellig saam!
• 18:30 Week van Toewyding en Gebed begin – Almal word hartlik uitgenooi!
WEEK VAN TOEWYDING EN GEBED
Ons week van Toewyding en Gebed strek van 18 tot 22 Jan, elke aand om 18:30. Tema – Wat vra Jabes regtig van God? Ons kyk in ons toewydings week hierdie jaar, na wat presies het Jabes tot God gebid.
SONDAG, 25 JANUARIE
Dankie dat u met u offer by die deure inhaak by
Studentebearbeiding
• 8:40 Gebedsgeleentheid in die konsistorie – Almal is hartlik welkom!
• 9:00 Oggenddiens – Prediker: Ds Brits Janse van Rensburg
→ Die Kleuterkerk-kinders sowel as die Graad 1-3 kinders woon die Kindermoment aan die begin van die erediens by en verdaag dan na hulle lokale: 4 jaar tot Gr R – Die Ou Waenhuis. Gr 1 – Anneks. Gr 2 – Ou Stalle en Kerksentrum (Ararat). Gr 3 – Kerksentrum (Karmel).
→ Die Gr 4’s – 11’e woon die erediens soos gewoonlik by en het daarna kategese.
• 10:00 Teedrinkgeleentheid in die Pastoriesaal – Kom kuier gesellig saam!
BARMHARTIGHEID
Goeie tweedehandse klere teen billike pryse: Word gerus deel van ons WhatsApp-groep, Van my na jou, en kry goeie tweedehandse klere, wat ons as skenkings ontvang het, teen baie billike pryse te koop. Foto’s van die klere word elke Sondag opgesit.
➔ Stuur ‘n WhatsApp na Anne-Marie Laubscher (Barmhartigheidspan) by 082 327 1683 as jy deel wil word van die groep!
Brood en blikkie-projek: Ons is betrokke by ’n projek waar ons gemeente eenmaal per maand ± 50 papiersakke met ’n halwe brood en ’n blikkie proteïenryke kos na Badisa neem om daar uitgedeel te word. Indien u ’n blikkie of twee vir dié doel wil bydra, kan dit asb in die boksies by die kerkdeure geplaas word.
Huis Wittekruin wegneem-etes: Huis Wittekruin verskaf heerlike wegneem-etes van Maandag tot Vrydag teen R50 ‘n ete. Woensdae se ete sluit nagereg in en kos dan R55. Wegneemetes kan weer verkry word vanaf 2 Februarie 2026. Kontak hulle gerus vir verdere inligting by 022 713 2230/9.
SENIOR LIDMATE
Silwer Vleuels Senior Klub: Hulle kuier saam op Woensdae-oggende vanaf 09:00 in Die Ou Waenhuis. Alle senior dames wat belangstel om by hulle aan te sluit, kan gerus vir Corlene van der Merwe kontak by 084 715 1169.
HERFSGENOTE-Byeenkoms: Ons senior volwassenes vergader op 29 Januarie om 10:00 in die Pastoriesaal. Tydens dié geleentheid kom praat dr Thys Smith van Wellington met ons oor sy boek Anderkant 65–Oor aftrede en daarna. Dr Smith gee erkenning aan die aftreeleeftyd as ‘n volwaardige lewensfase met unieke geleenthede, uitdagings en genietinge. Hierdie is beslis ‘n praatjie wat nie misgeloop moet word nie! Al ons pensioenarisse – mans en dames – word vriendelik daarheen uitgenooi! Vir meer inligting en om jou teenwoordigheid te bevestig, kontak asb vir Suselna by 083 232 4163.
Senior Volwassene Bederfmiddag: Al die senior volwassenes (±55 jaar en ouer) in ons gemeente word hartlik uitgenooi na ‘n heerlike bederfmiddag op Saterdag, 21 Maart, om 14:30 vir 15:00 by die pragtige Togryersvlei (op pad na Jakobsbaai). Die sangeres en motiveringspreker by dié geleentheid is Sanet Groenewald. Die bederfmiddag sal verseker ‘n verrykende ervaring vir liggaam, siel en gees wees! Moenie dit misloop nie! Die koste beloop R30.
Bespreek asb vroegtydig jou plek by Suselna – 083 232 4163. Kaartjies is beskikbaar by die kerkkantoor, asook elke Sondag by die teedrinkgeleentheid in die Pastoriesaal.
LIDMAATSKAPBEWYSE
Vanaf Suider-Paarl: Gideon Joshua ROSSOUW
Vanaf Saldanha: Annalien BRIERS (Nou SMUTS)
BESOEKERS
Welkom by ons erediens! As dit jou eerste keer by ons gemeente is, is ons so opgewonde om jou hier te hê. Jy is deel van ‘n familie waar liefde, geloof en gemeenskap bymekaar kom. Mag vandag se diens jou hart ophef, vir jou vrede bring, en jou inspireer op jou reis met God. Ons nooi jou uit, om na die diens saam met ons ‘n koppie tee/koffie te geniet in die pastoriesaal by die Kerk Sentrum. Ons sal graag met jou wil kennis maak. Daar is ‘n boek by die ingange waar jy jou besonderhede kan inskryf, en die Kerk Kantoor sal met jou kontak maak.
GEBED
Kan ons vir jou bid? Stuur gerus ‘n gebedsversoek na 082 256 6669 en ons sal saam met jou die saak aan ons hemelse Vader opdra in gebed. Dit kan anoniem wees of as jy sou verkies, kan jy jou naam byvoeg. Ons onderneem dat alle inligting as streng vertroulik hanteer sal word. Indien jy wil aansluit by die groep as ‘n gelowige wat saam met ons bid, kan jy ook jou naam en nommer na hierdie nommer stuur. Voeg net die woord “mede-gelowige” by. Ons benodig ook jou gebed tot ons Vader.
PASTORALE SORG
Soms gebeur dit dat iemand in die verbygaan vir die dominee sê hy moet kom kuier, en dan glip dit ongelukkig by hom verby. As jy graag ‘n besoek van die dominees wil hê, laat weet asseblief vir die kerkkantoor, of stuur vir die dominees ‘n whatsapp. So maak ons seker dat niemand misgeloop word nie, en dat elkeen die sorg ontvang wat hulle nodig het. Kerkkantoor – 022 713 1724; Ds Brits Janse van Rensburg – 073 008 6732; Ds Petri Coetzee – 084 207 3508
PASTORALE BEDIENING
Het jy ’n hart vir mense wat seergekry het in die lewe en eensaam is? Ons wil jou nooi om betrokke te raak by ons Pastoralebediening. Jy besluit wat is jou fokus area waarin jy graag mense wil bystaan. Ons gee vir jou opleiding en toerusting om dit te kan doen. Ons fokusareas is die volgende:
• Die besoek van eensame en alleen persone op ’n gereelde basis.
• Besoek persone in die hospitaal.
• Help en begelei mense rondom die afsterwe van ’n geliefde.
• Help en begelei mense wat deur ’n egskeiding gegaan het.
• Help mense wat deur traumatiese ervarings gegaan het.
• Help kinders wat sukkel met trauma en ander lewensaspekte.
• Die begeleiding van belangegroepe soos persone en hulle gesinne met kanker, demensia, egskeiding, afsterwe van ’n lewensmaat, kinders oorsee, ens.
• Enige ander passie of gawe wat jy het wat nie hierbo genoem is nie.
Indien jy meer wil weet of graag betrokke wil raak kontak Ds. Petri Coetzee by 084 207 3508 of Annari Engelbrecht – 083 313 5514.
VERJAARSDAE EN LIEF EN LEED
Baie geluk en seënwense aan almal wat in die volgende tydperk verjaar
18 Jan: Oscar Rix, Louis Swart
19 Jan: Hanré Hickman
20 Jan: Coenie Burger
21 Jan: Rikus Matthee, Naomi le Roux, Liezl Visser, Estelle Greeff
22 Jan: Louise Stols, Mariette Smith, JP Bezuidenhout
23 Jan: Gert Visser, Yané Human, Anrich Wilkinson, Christine Dixon
24 Jan: Eddie Bell, Marné Hanekom
* Ons vra asb voorbidding vir lidmate en hulle gesinne / families wat worstel met siekte en ander buitengewone uitdagings
* Ons loof en prys die Here vir getuienisse van verhoorde gebede.
* Ons dink met leedwese aan diegene wat in die afgelope tyd ‘n geliefde aan die dood afgestaan het.